元朗屬於新界西其中一個最大型鄉郊區，西鐵站附近物業升值如坐火箭，要喺市中心搵樓齡新既上車盤並唔易，不過只要肯駁一程車，就有樓齡新、環境好既樓盤俾大家選，就好似今次介紹既原築。
原築由新鴻基發展，2009年落成，屋苑共4座樓高17-19層物業組成，提供542伙單位，兩房到3房開則都有，兩房佔7成，戶戶設路台，景觀開揚。屋苑同時設有會所，設施包括室外泳池、兒童遊樂場、燒烤區等等。
原築住戶只要步行十分鐘去青山公路元朗一帶，就有大量民生商舖提供生活需要。同時可以搭住客專車去元朗站，YOHO MALL商場，齊集戲院、時尚品牌、日式百貨同各式食肆。又或者去元朗市中心，亦有多間民生商店可供選擇；講到食，元朗真係多到數唔哂，無論地道小食，傳統糕點又或各國美食，都可以食得到，住戶真係可以大飽口福。
原築屬於小學73校網， 而中學就屬於元朗區，包括：元朗商會中學、元朗信義中學、天主教崇德英文書院等等，都係較受家長歡迎的學校。
原築雖然唔近元朗西鐵站，勝在有穿梭巴士接駁元朗西鐵站，轉乘西鐵出九龍或港島都快捷方便。此外，早上繁忙時間有巴士途經十八鄉路，可往銅銅鑼灣，青雍及觀塘等地，方便住戶返學，同時亦有專線小巴出入市心，交通配套照顧周到。