寶林屬於將軍澳早期發展區域，社區設施，週邊配套都好完善。雖然近年發展迅速，不過早期落成既私人樓宇，仍然係區內換樓客既選擇，其中慧安園就係將軍澳第一批私樓。
1994年落成既慧安園，屋苑由四座物業組成，合共提供1280伙單位，開則有兩房同三房，部份設有兩廁，就算核心家庭換樓都唔成問題。慧安園坐落寶翠公園旁，環境清幽，山景翠綠，相對新落成物業，密度唔算高。
慧安園最大優勢，係生活配套有唔同選擇。想跑步，打網球樓下就有寶翠公園，附近係寶林體育館可以打羽我球。商場設有民生商舖同特色港式美食，一落街就有野食。行入寶林邨，街市商場有齊所有用品，乾濕貨齊備，同時係平民食堂。想SHOPPING多選擇，梗係去新都城，三期商場點行都得。
喺港鐵通車前，慧安園交通已經好方便，巴士線路選擇多，港鐵寶林站落成後，行兩步就有得坐鐵路，去港九各地無難道。同時區內有好多巴士、小巴選擇，慧安園交通絕對方便。
慧安園95校網，有超過22間小學可供住戶子女入讀，當中部份深受區內家長歡迎好似將軍澳天主教小學、宣基小學，都係熱門之選。中學亦都有唔少具備優良質素，好似迦密主恩中學、宣基中學同將軍澳官立中學，都係區內傳統名校。同時亦都有多間國際學校落成，好似香港思貝禮學校、法國國際學校，都係將軍澳區既國際學校，為住戶子女，提供更多唔同既教育選擇。