位於荃景圍86-105號既荃灣中心，樓齡雖然唔算新，但係保養唔錯，望落都唔算舊。由19座物業組成，提供4516個單位。物業屬於細單位，適合上車一族，以一房同兩房為主。雖然單位唔大，勝在戶戶有窗，單位四正好用，成為上車一族既熱門選擇。由於多人揀，地點就腳，盤源多、流轉水廿快，荃灣中心係區內出名既細碼保值盤，投資自住都啱用。
荃灣市中心雖然有唔少細碼盤，但係近港鐵通常都價錢貴，難上車，如果肯駁一腳車，就有舒適既環境，同埋合理既價錢，喺荃景圍既荃灣中心，就係其中一個最佳上車選擇。
荃灣中心屬於小學62校網，荃灣官立小學、浸信會聯會小學，海霸街官立小學、都係家長熱門選擇。中學方面，荃灣官立中學、可風中學、荃灣公立何傳耀紀念中學，王少清中學，都係荃灣名校，大受區內家長歡迎。
荃灣中心樓下就係基座商場，有唔少民生舖，基本需要一定能滿足。最近既愉景新城， 係荃灣其中一個最大型既商場，無論潮流服飾，各國美食，以及戲院都有提供，而且近年更增設以兒童主題的設施及大草地，讓一眾小朋友遊玩。另外，經接駁天橋就可以去到荃新天地、荃灣廣場、以及灣景廣場，多個商場亦提供多間唔同種類既店舖以及戲院，為區內市民提供更多選擇。
另外，荃灣路德圍出名多地道小食及粉麵店，任何時候都吸引到大批市民前黎。
荃灣中心雖然唔近港鐵，只要搭小巴或巴士去荃就可以到荃灣港鐵站，勝在車多班次密。同時區內有多條唔同巴士同小巴線可供選擇，而附近既愉景新城有巴士總站，亦有多條線路提供，總有線路能夠去到你既目的地。