荃灣近年有唔少新發展項目,當中經過重新規劃後,成為新地標,其中萬景峰就係當中既最佳代表。,
2007年落成既萬景峯,由信和及市區重建局發展,由五座物業組成,合共提供1466伙單位,當中好多為3房開則,吸引好多換樓客入貨。除左交通便利,開則亦都多選擇,4房同複式單位都有,而且面積由700幾至1600幾呎,客戶自住同投資收租都有唔同選擇。
萬景峯既交通優勢係屋苑其中一個吸引之處,毗鄰荃灣西站,去紅磡或者入屯門,元朗都方便快捷。屋苑設有行人天橋連接荃灣港鐵站,路程都係十分鐘左右,返工就唔怕失預算。除左享有鐵路優勢,仲有荃灣西巴士總站有多條巴士線,及小巴路線,出入港島或九龍亦大把選擇。
萬景峯有大型會所,同時樓下係荃灣公園,一家大細都有地方去。如果想SHOPPING,荃新天地係近年建成既大型商場,而荃灣廣場同埋附近既灣景廣場,有戲院同日式百貨,市中心既千色匯更加係荃灣人去街熱點,俾住戶唔同既生活選擇。除左商場,荃灣楊屋道街有齊生活所需,市內有唔同食市商舖,俾住戶多元化消費選擇。
萬景峯屬於小學62校網,荃灣官立小學、浸信會聯會小學,海霸街官立小學、都係家長熱門選擇。中學方面,荃灣官立中學、可風中學、荃灣公立何傳耀紀念中學,王少清中學,都係荃灣名校,深受家長歡迎。