馬鞍山最吸又用家,係無敵海景同埋完善既社區規劃,其中部份開則實用既大單位,既有古典氣派,同時有見駛既開則,加上馬鐵通車,好多換樓客都選擇搬入馬鞍山。
由新鴻基發展既雅典居,屬於馬鞍山早期發展既私樓,雖然1994年入伙,但由於保養好,外觀仍然新淨,係馬鞍山既地標物業。屋苑由10座物業組成,一梯4伙,樓高27至28層,提供1064個單位,其中40個頂層覆式單位,標準面積由875呎到1064呎,複式有1745及2075呎兩款。單位開則以三房同四房為主,弧型玻璃係最大特色,甚有港島豪宅味道。
雅典居屬於小學89校網,包括,保良局雨川小學,,馬鞍山循道衛理小學,聖公會主風小學等。中學屬於沙田區,一般以傳統名校較受歡迎,好似沙田官立中學、聖羅撒書院、沙田崇真中學等等,而馬鞍山區內既德信中學,都係英文中學,亦都受家長歡迎。
講到生活配套,附近富寶商場有民生商舖,食肆、街市、超市。如果要SHOPPING,新港城同馬鞍山中心有好多商舖以備選擇。要有更多選擇,出返沙田新城市廣場就乜都有,又可以去西沙茶座,感受外國風情。
想做運動,馬鞍山海濱長廊同公園啱晒跑步,附近亦有游泳池同體育館,要搵健康生活唔駛出區外。
過去馬鞍山交通一直係街外客最大卻步點,自從馬鐵通車後,交通問題完全解決。由雅典居行去馬鞍山站,只係7分鐘,同時附近有唔同既巴士線同小巴線去新界同九龍區,交通可達度比以往大大改善。