今年港九核心区域嘅楼盘,楼价并唔系咁容易负担,唔少相上车嘅朋友,都会转去睇一啲成熟发展嘅新界地区。 今年荃湾唔少楼盘锐意打造成为上车格局,吸引年青人踏上上车路,今集就为大家介绍一下!
绿杨新邨、爵悦庭、乐悠居,呢三个屋苑都系近年荃湾上车嘅指标,佢哋三个都各具特色。 绿杨新邨,望落新净企理 ,唔讲都未必知道系80年代入伙嘅楼盘。 屋苑由17座物业组成,拥有4000个单位,提供两至三房间隔,平均470几至580几呎左右。 三个屋苑当中,要数佢交通最便利,全因为屋苑喺正荃湾站上盖。 普遍港九嘅铁路上该屋苑,楼价都唔系容易负担,但系绿杨新邨价格相对亲民,间位四正,实用率超过八成!单单系呢啲成熟嘅优势,已经媲美唔少大型嘅私人屋苑。 而且屋苑流通量高,交投活跃,系三个屋苑当中最容易揾到心水靓盘嘅地方 生活方面,荃湾站附近嘅大型购物商圈,场面都系唔少人揾食寻宝嘅地方,住喺度,生活仲有乜嘢好担心?
但如果阁下想揾一啲楼龄比较新少少嘅屋苑,杨屋道有两座有工厦改建而成嘅屋苑-爵悦庭、乐悠居,可能啱你心水 。乐悠居属于单幢式住宅,05年入伙!单位总数约960个 主打一房户,空间感强,大部份单位都讲紧系4至600尺左右,所以相比爵悦庭主打两至三房,呢度更适合1-2人用户, 而且佢楼底高达10呎,系三个屋苑之冠!网上唔少室内设计影片,都会见到呢个屋苑嘅踪迹 生活方面,乐悠居下面嘅乐悠商场有齐一站式饮食生活嘅商舖超市,再唔系行10分钟就到荃湾西站,近年大型日式百货公司不断进驻,唔搭车,行吓街都一样咁方便。
第三个介绍嘅,就系爵悦庭,三个屋苑当中,佢嘅服务可以话系最优质 屋苑由新鸿基发展,四座物业提供1600百几个单位,提供1-3房选择。 佢最大特色,就系以酒店式服务作为大卖点,而且级数可以话系冠绝荃湾,甚至周边同类屋苑都相当罕有! 单位装修设备豪华,令唔少上车人士可以悭返笔装修费!加上楼层超过40楼咁高,中高层嘅住户仲可以远望荃湾嘅靓景添!对比豪宅及屋院,呢度嘅性价比简直就系超高。 而且附近生活条件充足,你有街市,亦有大量嘅饮食热点,行过少少荃湾西站,亦有好多商场商店可以俾你选择 以上三个屋苑有冇你心水之选?