东九龙过去规划以工厂为主，住宅社区建设未算最理想，不过喺好多年前，德福花园已经成为东九龙既最佳屋苑，屋苑规划同交通网都非常理想。
德福花园由21座合共41幢楼宇组成屋苑，提供超过4900个单位，大部份单位为两房，间格四正，同时位处港铁上盖，连接九龙湾商业区，一直系东九龙最受欢迎既物业。因此，无论租金同楼价抗跌一直系最高。
论到交通，德福花园真系绝对无敌。港铁站上盖，两步路就有铁路。观塘道既巴士、小巴，多到你拣半日都得，就算唔搭港铁，去港九新界都无问题。如果唔想搭车，去观塘码头搭船过海都仲得。
除左交通，德福既生活配套完善到不得了。德福广场一、二期有齐所有大型百货，去SHOPPING唔驶搭车。唔够喉去埋MEGA BOX，有戏院同溜冰场，同埋超过10层 既商场任你行到脚软都未行完。仲有九龙湾展贸中心都有唔少选择，睇戏都一流。想揾民生商舖，过对面淘大同牛头角街市就可以揾到。
德福花园属于小学46校网。包括九龙湾圣若翰天主教小学，佐敦谷圣若瑟天主教小学，浸信宣道会吕明才小学亦大受家长欢迎，至于中学就属于观塘区， 好似圣杰灵女子中学、蓝田圣保禄中学、圣言中学，观塘官立中学都系区内较受欢迎的学校。