1997年落成既东港城，由新鸿基发展，系将军澳公认既第一代楼王。屋苑由8座物业组成，提供2184伙单位，两房同三房开则都有，两房占六成。东港城间格四正好用，扣除窗台有8成实用率，同区所有物业都唔能够同佢相提并论。屋苑自设会所，有健身室、平台花园、网球场，绝对系将军澳第一代中产生活标记。
将军澳系喺港铁未通车前，交通曾经成为居民生活既一大难题，好多早期落成既物业，拥有巴士网络同埋大型商场天桥连接优势，随住港铁通车，更享有城市方便，村落宁静，位处坑口既东港城，可以话系隧道旁龙头物业，坐拥铁路同隧道优势。
东港城一样有天桥接驳坑口站，呢度喺将军澳站物业落成前，属于市中心，交通配套齐备。坑口站有多条巴士线去港九新界，小巴线亦都唔少，同时坑口村有小巴直出彩虹站，交通可达度绝对系吸引买家既原因。
东港城最大卖点系自设大型商场，有各类型百货、超市、食肆，同时假日喺商场经常有特别活动，人流旺。附近厚德邨、明德邨商场，林林总总既购物选择都有，街市翻新之后，行得更加舒适。住户搭小巴去西贡郊游都系半小时左右，同时可以去附近既宝康公园、泳池做运动。如果想试下特色美食，坑口村一定唔会令你失望。
东港城位处95校网，有超过22间小学可供住户子女入读，当中部份深受区内家长欢迎，好似保良局陆庆涛小学、将军澳天主教小学、宣基小学。中学亦都有唔少具备优良质素，好似迦密主恩中学、宣基中学同将军澳官立中学，都系区内传统名校。同时亦都有多间国际学校落成，好似香港思贝礼学校、法国国际学校，都系将军澳区既国际学校，为住户子女，提供更多唔同既教育选择。