西九龙区近年大变天，出现各式其式的楼盘，九龙站当然系豪门天堂，不过一站之隔既奥运站亦都有唔少优质盘，而且价钱同九龙站既盘差一大截，同时又可以享受无敌海景，今次同大家介绍浪澄湾。
浪澄湾由恒隆集团发展，由8座楼高52层既物业组成屋苑，一梯4-6伙，提供1829个单位，同时设有4层高既大型住客会所。间格有两房、三房、复式同特色单位，实用率接近8成，其中百份之75单位属于两房，啱晒小家庭居住。
浪澄湾邻近大型商场奥海城，系西九龙其中一个消费热点，由屋苑步行都系10分钟左右就去到，商场有齐住户所需，大型超市、食肆、戏院等，必定能满足住户需求。如果要多啲民生商舖，行去大角咀亦都好方便，特色食肆同街市都有。附近既樱桃街公园有球场同缓跑径，方便钟意运动既你。
屋苑有天桥连接奥运港铁站，交通方便，同时亦都有多条巴士同小巴路线穿梭港九各地
浪澄湾校网属于32小学校网，而油尖旺区有大约20间中学，其中3间属于直资。好似拔卒女书院、九龙华仁书院、真光女书院，嘉诺撒圣马利书院，都系所有家长梦寐以求既中学。