将军澳呢个发展成熟嘅社区，令唔少住户向往。 我地一连几集都聚焦将军澳Lifestyle屋苑，今集就一齐分析下都会駅，蔚蓝湾畔，东港城嘅特色之处啦！
行到调景岭站，当然要介绍吓佢嘅上盖屋苑－都会駅。 屋苑分两期发展，供应近3800伙，系调景岭最具规模嘅屋苑之一，连屋苑嘅楼层高度都冠绝同区，住得越高，景观越靓 。都会駅最出色嘅地方，就系打三至四房嘅大型间隔！生活空间充足，生活质素就自然更高！ 放工放假，自然想放松身心，屋苑大型嘅住客会所，有泳池、健身室、康体设施，一站式活动任你选择！行出去旁边仲有条无敌海景嘅海滨长廊俾你散步！ 生活方面，屋苑楼下就有同名嘅大型商场，亦系调景岭主要嘅消费地标之一，饮食娱乐唔驶担心。 楼下调景岭站系港九交汇点，出油尖旺或者去港岛都系廿分钟就到，够晒方便。
跟住稍移玉步去到坑口站，参观第二个上盖屋苑：蔚蓝湾畔。 蔚蓝湾畔喺坑口区历年人气高企，全因六个字︰方便！性价比高 屋苑有六座物业，超过2100个单位，提供两至三房户，当中以两房单位较多。 屋苑楼层高，高层单位已经系坑口嘅制高点，居高临下，可以饱览整个坑口嘅城市美景。 加上屋苑会所设计富丽堂皇，设施时尚齐备，令你无论居住定系享受，都可以拥有区内最优质嘅体验。坑口站附近几个商场由天桥接驳连成一线，东港城、TKO Gateway、南丰广场等等任你行！ 除咗楼下个坑口站之外，附近交通线路亦都相当丰富，而且仲有特别嘅科大专线小巴，方便大学读书返工嘅人士。
不过我哋都要留意，坑口站旁边嘅东港城，亦系区内一个抢手热盘！ 屋苑有7座物业， 2184个单位，两房单位供应较多，超过六成，目标以家庭客为主 东港城单位空间感大，内笼宽敞，大厅大房格局，实用率超过八成，可以话系同区罕见。 由于东北同东南方嘅单位较少遮挡，所以中高层嘅住户，仲可以望到大片嘅远海景， 以及开扬翠绿嘅山景 屋苑基座就系著名嘅潮流集中地，东港城，生活用品，娱乐百货通通齐备！ 商场有天桥接驳港铁站，行5分钟就到！地铁站旁边仲有巴士同小巴总站，令你出门有更多选择。