人生踏入置业阶段,睇楼揾楼,就成为左生活嘅一个部份 如果去到九龙区,有边啲楼盘适合新手上车之用? 今集,我哋就走访观塘、何文田同启德,同你一齐嚟个上车之旅啦!
第一站,我哋先去何文田,同大家一齐睇吓俊民苑。 80年代落成嘅俊民苑,属于房委会嘅居屋,12座大厦提供1800个单位,单位间隔以两至三房为主,实用率超过八成! 而且作为早期居屋,大部份单位都已经补晒地价,上车就可以烦少样野啦 呢度生活指数非常高,周边嘅配套非常充足,例如对面就有爱民村街市同埋爱民广场,提供充足饮食选择。俊民苑楼下有唔少巴士同小巴,直达红磡尖沙咀以及港岛区,而何文田站都只系距离8至10分钟,交通往返都非常方便。而且呢度校网又好,环境又清幽,所以一有盘放就即刻争崩头。
第二个要介绍嘅就系启德站旁边嘅嘉汇。 嘉汇位于沐宁街7号,2018年入伙,由嘉华国际发展。 屋苑由4幢楼高34层嘅高座,同埋4幢楼高6层嘅特色低座,合共8座物业组成, 屋苑单位供应量约900伙,实用面积介乎于325尺至2193尺。 高座单位主打一至两房,数量占整个屋苑约7成,成为唔少想买新楼人士嘅上车天堂。 交通方面,行去港铁启德站大约3-5分钟,隔离嘅启晴村,或者誉.港湾附近,都有多条巴士、小巴线,贯通港九新界,非常全面。 平日消费,可以去旁边嘅晴朗商场,或者誉.港湾嘅Mikiki!启德站坐去钻石山,仲有荷里活广场添!绝对满足到各种生活需求!
最后去到观塘区,一齐睇下“观月.桦峯”。项目2014年入伙,属于市建局重建项目,由信和集团共同发展, 观月.桦峯楼龄较新,充满欧陆式设计!物业为一座39层高嘅单幢式住宅,有299个单位 呢度实用面积介乎400几至1300几呎,提供一房至四房嘅多元化设计,适合不同上车预算嘅人士! 交通方面,屋苑楼下系观塘交通汇聚嘅月华街,港九新界嘅交通应有尽有 而且观塘站只需要行3-5分钟,返工返学都不成问题……当然,如果你系观塘返工,就更加无需考虑啦! 生活方面,观塘蒲点多多,观塘广场、APM、工厦商铺等等充满选择,行最远只系10分钟左右,假日出门,就自然更多谂头。