传统港铁沿线嘅屋苑，相信大家都好熟悉， 不过，近年唔少新站相继落成，有啲地区已经变成左港铁嘅覆蓋范围， 例如今集介绍嘅启德，就系一个极具潜力嘅新地点！
自从启德站落成后，一街之隔嘅沐宁街，高级住宅林立，即刻备受追捧！ 第一个介绍嘅，就系启德1号2期。 佢位于沐宁街8号，由中国海外发展，属于政府港人港地嘅项目，2017年正式入伙， 屋苑分高座同低座，合共9个物业，提供624个单位，面积由375至2414尺不等， 开则由1房至4房都有，高座单位五梯十户，楼底高达3米，底座就以4房特色单位为主 交通方面，港铁启德站同屋苑相距只系3-5分钟，出入非常方便！
第二个要介绍嘅就系启德1号旁边嘅嘉汇。 嘉汇位于沐宁街7号，2018年入伙，由嘉华国际发展。 屋苑由4幢楼高34层嘅高座，同埋4幢楼高6层嘅特色低座，合共8座物业组成， 屋苑单位供应量约900伙，实用面积介乎于325尺至2193尺。 高座单位主打一至两房，数量占整个屋苑约7成，所以成为唔少上车同埋换楼人士眼中嘅新贵。 交通方面，行去港铁启德站大约3-5分钟，转眼就到。 想揾巴士路线？行大约5-10分钟，前往隔离嘅启晴村，或者誉・港湾附近，都有多条巴士、小巴线，贯通港九新界，非常全面。
而第三个要介绍嘅，就系龙誉。 龙誉属于启德发展区嘅核心项目之一，2019年入伙，位于沐宁街9号。 屋苑由4幢楼高34层，以及2幢楼高6层，合共六座物业组成，单位总共930伙。 高层单位户型多元化，主打一至两房间隔，大部份单位都有露台以及工作平台，亦设有特色以及复式单位。 低座嘅两幢物业，就以复式单位为主，设有私人花园，平台等等，为住户提供较高嘅私隐度。 以上单位实用面积介乎228尺至2703呎。 交通同样都系以启德站同附近嘅巴士路线为主。
以上三个屋苑嘅住户，想购物嘅话，可以行去附近誉．港湾嘅Mikiki，或者隔离嘅晴朗商场。当然，启德站坐过去隔离站钻石山，仲可以有埋荷里活广场俾你拣 随着启德发展项目建设，各类嘅大型商场，主题公园就会相继落成，呢度绝对会成为九龙区另一个商住核心！