住得舒适，活得出色，所以居住环境，对于注重健康嘅人士来讲，一直都系备受重视嘅因素 香港嘅沙田区，一向都系健康之都，呢度嘅屋苑，充斥住大量健康嘅元素！
大围嘅金狮花园，喺香港著名嘅上车盘， 屋苑13座物业分两期发展，提供2768伙单位，以一房作为主打。 而且屋苑靠近山边，环境清静，环境气氛已经攞晒分。 如果想做运动，金狮花园二期设有泳池、网球场及阅读室等，设施较一期齐全，行落楼就可以随时做运动，迎合运动人士嘅需要。 而且呢度距离城门河只系几分钟，散步跑步都十分适宜 讲埋交通，屋苑距离大围站约8-10分钟嘅路程！楼下巴士路线都多，无需担心交通问题 由于呢度行路去沙田、大围、定系车公庙都系10几分钟嘅事，一边散步，一边揾地方shopping，亦都系相当健康写意嘅活动。
如果阁下资金充裕，我就会推介你拣大围嘅名城！屋苑有长实同港铁共同发展，分三期，共12座物业，超过4200个单位，喺大围区内最大型屋苑。 呢度主打3-4房户，目标吸纳中产换楼客户群！ 既然目标吸纳中产家庭，呢度嘅会所亦都可以话系区内一绝，发展商斥资4亿打造，超过62万尺嘅园林会所，规模极大！ 而且每期都有主题嘅会所设施，例如健身、男士嘅会所、女士嘅会所，咁有质素嘅生活，身心自然更加健康。 近年名城亦积极扩展，即将有天桥连接附近商场同埋港铁站，生活上落都越嚟越方便。
不过，喺沙田区嘅朋友，当然想睇吓城门河附近有啲乜嘢靓盘选择，立即带嚟睇吓车公庙上盖嘅“溱岸8号” 溱岸8号由4座物业组成，合共981个单位，以3-4房户为主 健康嘅生活，要配合优质景观，溱岸8号绝对系首选！呢度物业呈曲尺形排列，附近冇高楼大厦遮挡，所以绝大部份单位都可以欣赏到城门河嘅美景，以及远望马鞍山景致！ 屋苑亦提供平台单位可以选择，一行出露台，室内都有令人舒服嘅户外空间。 同事屋苑亦提供达13万呎嘅绿化园林空间，配合周围幽静嘅环境，设施齐备嘅住客会所，无论运动定散步都相当适宜 加上楼下就系城门河，运动嘅空间更加充足。 交通来往就系以楼下车公庙站为主，亦有好多巴士线通往港九各区，选择多多。