将军澳区屋苑，发展嘅时候大多数都围绕着地铁站发展， 所以我地都会分几集，推介一啲将军澳区嘅潜力笋盘 而今集，我哋就集中喺将军澳同埋调景岭一带！
如果你钟情调景岭，车站侧边嘅维景湾畔，就系一个好选择。维景湾畔分开三期发展，共15座大厦，提供超过5700个单位 呢度户型多元化，由一房至到三房连套房都有，适合各种需求嘅住户。维景湾畔景致开扬，山清水秀，令人身心舒畅 屋苑会所提供丰富嘅康体设施，附近亦有美不胜收嘅海滨缓跑径，日常运动选择非常多。生活方面，维景湾畔有自设嘅商场，连埋旁边嘅都会駅，形成一个大型嘅生活商圈 主要交通就系调景岭站，喺正屋苑隔离，附近交通交汇处亦提供多条往返港九新界嘅交通路线。
如果你揾紧嘅系一啲细单位，将军澳站旁边嘅将军澳中心就至啱你。将军澳中心一共分三期，有12座物业，超过4500个单位 屋苑开则有2-4房设计，不过主打两房户，单位面积介乎384尺至900几呎。先讲交通，将军澳中心同将军澳站相距只系一条马路，行过去两、三分钟就到 亦因为距离够近，屋苑有天桥直达港铁站，日晒雨淋都冇有怕！ 附近有仲大量嘅巴士站，港九新界嘅车总会系你左近 将军澳中心自设大型同名商场，连同附近Popcorn、Pop walk等等商场中心，提供超级多元化嘅生活享受。
正如刚才介绍，将军澳站有好多优质屋苑围绕，当中唔少得要介绍吓君傲湾。君傲湾由三座物业组成，每座楼高57层，供应接近1500个单位。屋苑主打两房标准单位，亦有三房单位提供，全部都会有自家露台 住客会所有近12万平方呎，泳池、健身室、保龄球场乜都有 不过讲到最令人羡慕嘅，就系楼下基座已经系区内大型购物中心Popcorn！ 拥有大量饮食、休闲、娱乐、名牌、百货、超巿等等过百间商铺，Popcorn绝对系将军澳最大型休闲购物地标 而且屋苑距离将军澳站都只系两三分钟，附近仲有多架巴士小巴路线俾你拣，出入往来，就自然更有预算。