红磡区有唔少屋苑,无论装修格局都系上等盘源 所以唔少追求靓则嘅人士,都会将目光放系呢个区内物色单位。 今集就走访红磡,带大家穿梭各个靓间格嘅屋苑!
讲到红磡靓则盘,前身系居屋“红湾半岛”嘅海滨南岸,就系其中之一! 屋苑位于红磡爱景街,有七座物业,提供近2500个单位 呢度主打两房至三房间隔,实用面积介乎500几至近700几尺。 受惠于居屋设计,单位大房大厅,实用率高,唔怪得知咁受欢迎 而且屋苑仲有一个顶级住客会所!占地22万尺,以玻璃天幕及墙身设计,时尚高雅!里面有泳池、gym room、运动场、按摩浴池,设施多到数唔晒! 日常生活,可以去到黄埔花园附近嘅购物圈,一定可以满足你嘅需要 屋苑前往红磡站大约五至8分钟,去黄埔站就大约10分钟,非常方便。
讲到红磡火车站,抬头向上望,就会见到我哋第二个要介绍嘅屋苑——都会轩。都会轩位于红磡都会道8-9号,由长江同和黄发展及管理,属于服务式住宅! 屋苑由两座物业组成,合共662个单位!单位面积由400几至过千呎都有! 呢度单位设计四正,无大型窗台,绝对实用为上!加上高层单位可以望到维港美景,亦系佢一大加分位 日常生活方面,住户可以行去黄埔、红磡区购物消闲,超市、街市、百货商店,呢度乜都有齐。交通方面,红磡站有几方便,应该唔需要详细介绍架啦?而且附近红隧口,就有过海巴士站,大把港九新界巴士任你拣!
最后介绍,就系呢区嘅抢手盘——升御门。 升御门,发展商属于顺德集团,拱门外型嘅大楼设计,系佢独特嘅标志!两座大楼提供咗334个单位,属于区内年轻嘅豪宅物业。 单位设计多元化,由300几呎嘅开放式,以至过千呎嘅四房单位都有,而且楼底超过10呎,绝对方便大型傢俬摆设! 屋苑附近环境开扬,中高层仲可以饱览启德发展区以及维港美景。 屋苑附近交通配置发展成熟,距离土瓜湾站都只系几分钟,大马路亦有大量巴士往返港九新界各区 生活方面,落到红磡区只系需要几分钟,街市超市、民生小店等等全部都有齐!行多5分钟过去黄埔,仲多选择添!