要讲港岛区幽静嘅地方，香港仔绝对系其中一个大家都认同嘅选择。而且呢度海景辽阔，加上近年交通越嚟越发达，成为唔少换楼人士追捧嘅新贵地区。

今年南湾成为唔少门口人士嘅候选名单之一，全因呢度地理格局别树一格！ 位于香港仔鸭脷洲嘅南湾，坐落临海地段，9幢物业，提供715个住宅单位！ 整个屋苑占地18万平方呎，各座一字形排列，以帆船式塑造长达320米的巨型地标！屋苑设计、用料及设施等等都非常讲究，高贵之余，仲俾住户可以饱览海天一色。 南湾嘅住客会所耗资5亿打造，占地15万呎，设施丰富时尚！仲有各种近年流行嘅spa同室内休闲设施添。交通方面，屋苑设有穿梭巴士，来往黄竹坑中环铜锣湾香港仔，班次频密，非常方便！

而第二个要介绍嘅深湾轩，就可以话系换楼人士眼中最具性价比嘅选择！ 深湾轩属于新鸿基发展嘅大型屋苑，由3座物业组成，提供超过1000个临海单位！以2房为主打，亦有少量3房单位提供。深湾轩最大特色就系间格四正，户户向海，而第3座嘅海景大最正，所以睇楼记得瞄下第3座啦！ 屋苑会所设施时尚丰富，而楼下就系鸭脷洲海滨长廊，活动设时丰富多元！ 楼下有唔少嘅食肆商户，而利东邨亦设有街市及商场，提供更多购物和饮食选择。

香港仔俾人感觉就系交通唔太方便，同埋好容易塞车，不过自从港岛地铁南线开通以后，情况就大幅改善，占地三十二万平方呎嘅香港仔中心，立即成为左大家眼中嘅抢手货！ 临海而建嘅香港仔中心，共20座，提供近2,700多伙，主攻小型单位，其中过半单位系两户开则 ， 屋苑楼下两边地舖全部都系大型连锁店同超级市场，对面系香港仔市政大楼、熟食小店、康体设施一应俱全。而且巴士总站、小巴总站都只系几街之隔 。无论去港九边一度，都十分方便。 屋苑旁边就系海滨长廊，散步跑步都赏心悦目，中高层嘅住户，仲可以日日望住内海靓景添。住喺呢度，真系人都开心啲呀！