香港人对生活有种种要求!买楼最好有齐交通便利,娱乐购物,生活享受等等要素, 呢啲咁正嘅屋苑,你都会问喺边度先可以揾到! 唔使周围问啦,今集我地Show俾你睇吓啦。
平时假日,唔少人会去九龙湾购物,因为商场同生活设施丰富, 亦因为咁,淘大花园就特别受到买家欢迎。 淘大花园由四期组成,共19座,提供近4900个单位,以一至两房户为主打。 钟意热闹啲,可以拣近淘大商场嘅第1-3期!想生活清静啲?邻近佐敦谷嘅第四期,呢度环境清幽,绝对系喜爱宁静人士嘅好选择! 无论边期都好,出九龙湾站都只系4-6分钟架咋! 生活方面,淘大商场应该无乜人唔识!以平民式消费为主嘅商场,加埋300几间商户,精品小店、潮牌服饰、超级食街等等,选择繁多! 而附近嘅德福广场,就提供更加多元化嘅享受!
跟住要介绍嘅,就系备受欢迎嘅钻石山名盘-星河明居。 星河明居,位于龙蟠街3号!属于钻石山站上盖物业! 整个屋苑一共分五座,楼高50层,有近1,700个单位, 除咗顶层有少量嘅复式单位之外,其余统一“三房”间隔,面积大约500至600尺左右,大把“生活空间”俾你享受。 屋苑会所设备齐全,近10万呎嘅私人会所同花园平台,为住户提供闹市中嘅空中花园。 屋苑平台下面,就系区内大型商场-荷里活广场,各式商铺应有尽有,睇戏食饭购物一应俱全。 地面除咗钻石山地铁站外,仲有埋大型交通中心,港九新界、连西贡嘅车都有,方便程度可想而知!
跟住要介绍嘅,就系无几远新蒲岗嘅地标屋苑︰誉・港湾啦。 2010年入伙嘅誉港湾,由5座物业组成,有近1,200个单位 , 间隔由1房至4房不等,顶层亦有少量复式单位,长年受到大量换楼客追捧。 呢度嘅高级大型会所设备充足,而且设计时尚,绝对能够满足你嘅高要求。 加上呢度交通优势亦非常大!前往启德站只需约5-8分钟路程,日后屯马线+沙中线集合一身,势必往来更加灵活, 而附近巴士线路繁多,去港九新界都非常方便。 另外一个卖点,就系屋苑坐拥大型商场Mikki!由高级超市,以及潮流店铺样样齐备,完全满足生活所需! 而且附近亦有好多不同嘅地道小店,隐世美食俾你慢慢拣!