西九龙系特色商住混合区，港铁同巴士贯穿港九新界，同时有唔少特色商舖，坐落深水埗同荔枝角交界既丰汇，拥有西九地利优势。
2014年落成既丰汇，由3座物业组成，提供402个单位。8成单位主打3房间格，同时提供少量一房单位。单位大部份望市景，部份望山景同少量海景。
丰汇虽然唔系大型屋苑，但系会所有40项设施俾住户使用，同时区内有唔同既康乐体育设施，室内体育馆同室外设施一应俱全，啱晒放工做运动既你。除左一般康乐设施，附近既南昌同通州街公园，系住户放松消闲好去处。而嘉顿山更加系区内人士热门既消闲地点。
深水埗区系香港著名既特色地标，区内各式各样既商舖都有，电子产品、生活百货、街市、旧式舖头。同时唔少著名特色食肆，吸引到唔少香港人，排长龙都要帮衬，唔食唔罢休。行过两步，住户可以去西九龙中心SHOPPING，服装、食肆连锁店全部有齐。
交通网可以话系丰汇最煞食既卖点，行一阵就到港铁站，无论去港有新界，全程时间都尽在住户手中掌握。荔枝角道同长沙湾道既巴士线，差不多贯通香港、九龙同埋新界，仲有唔同既红VAN线，丰汇既交通方便程度真系100分。
讲到校网，丰汇亦都大把好学校选择，小学属于40网中学属于深水埗区，传统名校有德贞女子中学、圣马加利。英华书院、同埋长沙湾天主教中学。