将军澳系东九龙区最大型既住宅群，楼宇选择极多，唔少早期落成既物业，喺港铁未通车前，已经拥有中心优势，随住港铁通车，更享有城市方便，村落宁静，位处坑口既南丰广场，就系最佳例子。
1999年落成既南丰广场，同东港城系坑口站早期落成既物业。南丰广场座落坑口站附近，同东港城一桥之隔，由五座物业组成屋苑，合共1614个单位，开则有两房至三房，同时设有复式以及相连户，呎数大细都有，适合上车用家同换楼客。由于以用家为主，物业流转速度快，绝对保值。
南丰广场同东港城一样，有天桥接驳坑口站，呢度喺将军澳站物业落成前，系属于市中心，配套齐备。坑口站有多条巴士线去广九新界，小巴线亦都唔少，同时坑口村有小巴直出彩虹站，交通可达度绝对系吸引买家既原因。
南丰广场位处95校网，有超过22间小学可供住户子女入读，当中部份深受区内家长欢迎，好似保良局陆庆涛小学、将军澳天主教小学、宣基小学。中学亦都有唔少具备优良质素，好似迦密主恩中学、宣基中学同将军澳官立中学，都系区内传统名校。同时亦都有多间国际学校落成，好似香港思贝礼学校、法国国际学校，都系将军澳区既国际学校，为住户子女，提供更多唔同既教育选择。
南丰广场基座商场能提供基本生活需要。附近有东港城、厚德邨、明德邨商场，林林总总既购物选择都有。住户搭小巴去西贡郊游都系半小时左右，同时可以去附近既宝康公园、泳池做运动。如果想试下特色美食，坑口村一定唔会令你失望。