港岛东区系唔少人既心头好,楼低半山一截,环境配套完善,有良好校网,同时交通网络覆蓋地点多,选择多元化,而嘉亨湾更加系东区近年最受欢迎既低楼龄盘,系港岛换楼客首选。
嘉亨湾由恒基兆业发展,由5座物业组成,提供2020个单位,有两房、三房、特色户等等,两房同三房数目相若,屋苑车位数目有500个,喺新盘黎讲,车位数目算好多。屋苑最大卖点系临海优势,7成单位都可以望到东区海景,吸引到唔少客户。
嘉亨湾除左景靓,无敌会所亦都系另一卖点。有泳池、GYM ROOM、儿童游乐场、阅读室、品酒区….多到好似置身五星级酒店一样,令你唔想出街。最正屋苑可以养狗,提供宠物天地,照顾你生活所需。
屋苑近港铁站,脚程有限,一阵就到。同时有多条巴士线去港九各区。如果唔想搭巴士同铁路,可以搭叮叮感受香港风情,又可以去附近搭船,无论用边种交通工具,嘉亨湾都唔会失预算。
嘉亨湾同时享受优皮士生活,住户可以去海滨长廊同狗狗散步,或者自己跑步,又可以去电影资料馆寻找香港电影故事。得闲去鲤景湾既苏豪区,感受外国风情,叹下午茶睇海景。生活用品可以去西湾河有齐所有民生所需,要多选择又可以去太古城。SHOPPING、消闲样样齐。
嘉亨湾属于小学14校网,唔少出名小学可供家长选择,包括北角循道小学、北角卫理,沪江小学,香港嘉诺撒学校等。中学亦有唔少传统名校,好似庇理罗士女子中学、港岛民生书院、张祝珊英文中学等等。