东九龙近年有唔少新盘，不过讲到地点配套最好的同设备最完善，首推九龙湾区。由于淘大同九龙湾呎价硬净，细价楼可供选择唔算多，不过呎数较细既得宝花园就系年青人既上车选择。
得宝花园虽然楼龄超过30年，但系2010年曾经翻新。屋苑由恒基兆业发展，提供超过2000个单位，屋苑由八座物业组成，呎数由280呎至400呎都有，开则为一房同两房单位，虽然呎数细，但胜在室内间格四正，适合上车一族。
得宝花园既生活配套完善到不得了。楼下有商场，满足基本生活需要，对面德福广场一、二期有齐所有大型百货，去SHOPPING唔驶搭车。唔够喉去埋MEGA BOX，有戏院同溜冰场，同埋超过10层 既商场任你行到脚软都未行完。仲有九龙湾展贸中心都有唔少选择，睇戏都一流。想揾民生商舖，过对面淘大同牛头角街市就可以揾到。
讲到交通，得宝花园真系绝对无敌。位处港铁九龙湾站对面，两步路就有铁路。观塘道既巴士、小巴，多到你拣半日都得，就算唔搭港铁，去港九新界都无问题。如果唔想搭车，去观塘码头搭船过海都仲得。
得宝花园属于小学46校网。包括九龙湾圣若翰天主教小学，佐敦谷圣若瑟天主教小学，浸信宣道会吕明才小学亦大受家长欢迎，至于中学就属于观塘区， 好似圣杰灵女子中学、蓝田圣保禄中学、圣言中学，观塘官立中学都系区内较受欢迎的学校。