马铁通车之后，打通市区，令区内物业大幅升㥀。过去由于交通问题，唔少人都绝迹马鞍山。近年唔少街外客或者上车客，都拣马鞍山，因为有完善既配套，其中选择多、流转快既新港城是一个好选择。
由恒基发展既新港城，属于马鞍山龙头屋苑，马铁落成前有巴士总站而家就靠近马铁，早期发展既私楼，虽然1993年入伙，但由于保养好，外观仍然新净。屋苑由16座物业组成，楼高28至39层，提供4144个单位，单位两房到3房，系热门既上车盘。由于位置中心地段，加上自设大型商场，无论放盘同租盘都多，物业绝对保值。
新港城属于小学89校网，包括，保良局雨川小学，，马鞍山循道卫理小学，圣公会主风小学等。中学属于沙田区，一般以传统名校较受欢迎，好似沙田官立中学、圣罗撒书院、沙田崇真中学等等，而马鞍山区内既德信中学，都系英文中学，亦都受家长欢迎。
讲到生活配套，新港城可以话马鞍山至强。除左有街市，同时有大型商场，同时可以天桥驳通附近商场，生活圈绝对无敌。要有更多选择，出返沙田新城市广场就乜都有。想做运动，马鞍山海滨长廊同公园啱晒跑步，附近亦有游泳池同体育馆，要揾健康生活唔驶出区外。
过去马鞍山交通一直系街外客最大却步点，自从马铁通车后，交通问题完全解决。由新港城楼下就系马鞍山站，同时亦都系大型巴士总站，有唔同既巴士线同小巴线去新界同九龙区，系区内最强交通网络之选。