元朗汇聚唔少单幢式或者小型屋苑，具规模屋苑近年先出现，不过部份项目可能会人多密度高。喺市中心有高实用率，并且属于中低密度住宅，长年成为元朗换楼客既心水之选，讲紧就系朗晴居。
朗晴居由新鸿基发展，虽然系1997年入伙，但保养新净，唔觉有20年楼龄。屋苑由13座物业组成，合共提供1100伙单位，两房同三房开则均有，同时设有豪华会所，而且地利优势，吸引投资者及换楼客注意。
由屋苑步行去元朗市中心亦好方便，除咗有商场，亦有多间地道小食，大马路一带更多到你拣唔晒，中西美食同埋传统糕点，样样有齐。而YOHO MALL系元朗既大型既商场，有戏院、潮流服饰、日式百货同各式食肆一应俱全。区内康体设施亦齐备，附近有球场，泳池、剧院，公园等，为居民提供各类消闲娱乐。
朗晴居属于小学74校网，区内有唔少具质素小学，元朗区中学亦都有好多名校，天主教崇德英文书院、新界乡议局元朗区中学、元朗信义中学，都系元朗区内著名学校，好多家长争住报名。
朗晴居虽然唔近元朗西铁站，但系步行都系12分钟左右，亦有专车接驳。此外，行出少少既教育路，属于元朗中枢交通网。西铁由元朗出九龙半个钟之内，巴士线路多不胜数，去香港、九龙、新界都无难度，一车直达。出返大马路，有轻铁同小巴，远近交通工具都有得任拣。