马鞍山区虽然近年落成新盘众多,但系讲到楼价保值、生活配套完善,交通整体可达度,始终系市中心物业有最大优势,其中集齐以上优点,仲可以望吐露港同八仙岭,非海栢花园莫属。
由长实发展既海栢花园,1994年落成,同新港城属于同期物业,亦都系马鞍山既指标屋苑。由六座物业组成既海栢花园,合共提供1102个单位,有两房同三房单位,其中部份单位设三户露台,俾住户开扬景观,部份可以望八仙岭山同吐露港海景,无论换楼客同上车客,都合心水。
讲到生活配套,海栢花园绝对无得弹。楼下就系马鞍山广场,生活选择多箩箩。对面既新港城除左有街市,同时有大型商场,行条天就到,桥驳通附近商场,生活圈绝对无敌。要有更多选择,出返沙田新城市广场就乜都有。想做运动,马鞍山海滨长廊同公园啱晒跑步,附近亦有游泳池同体育馆,要揾健康生活唔驶出区外。
自从马铁通车后,马鞍山交通问题完全解决。虽然唔系马铁上盖物业,但系行条天桥就到马鞍山站,同时楼下亦都系小巴站,有车去大埔同大学站,亦有唔同既巴士线去港岛同九龙区,海栢花园同新港城,系区内最强交通网络之选。
海栢花园属于小学89校网,包括,保良局雨川小学,,马鞍山循道卫理小学,圣公会主风小学等。中学属于沙田区,一般以传统名校较受欢迎,好似沙田官立中学、圣罗撒书院、沙田崇真中学等等,而马鞍山区内既德信中学,都系英文中学,亦都受家长欢迎。