好多人都想买海景楼，但唔系地点吊脚，就系地点偏远，要有贴地价钱，但又有无敌海景，市区盘都有唔少选择，今次介绍荃湾既海湾花园，就可以满足买家两个愿望
1991年入伙既海湾花园，屋苑由四座物业组成，提供822伙单位。屋苑有两房同三房开则，由于间格四正好用，实用率有八成，深受用家欢迎。物业有一半可以望到蓝巴勒海峡，高层海景更靓更无敌，加上价钱合理，入场门槛较低，系唔少上车一族同换楼客既心仪选择。
海湾花园既生活配套多选择，楼下就系商场，能满足基本生活所需。附近既杨屋道街市、干湿货齐备，生猛海鲜、蔬菜样样齐备，荃新天地、荃湾广场、湾景广场，有齐潮流服装、日本百货，戏院，食肆等，多不胜数。
除咗购物，隔离既荃湾公园亦系周末一家大细既消闲好去处，而荃湾海滨更吸引市民前来欣赏日落美景。
讲到交通海湾花园可以话完全受惠西铁通车，自从西铁通车之后，住户交通时间有预算，去港岛话咁快就到。同时区内有多条唔同巴士同小巴线可供选择，海湾花园今时今日既交通真系完全唔成问题。
海湾花园属于小学62校网，荃湾官立小学、浸信会联会小学，海霸街官立小学、都系家长热门选择。中学方面，荃湾官立中学、可风中学、荃湾公立何传耀纪念中学，王少清中学，都系荃湾名校，唔少家长都想子女入读。