将军澳发展迅速，唔少楼盘都系背靠铁路，加上完备既生活圈，但系亦有部份讲求环境设计既楼盘，以清静同景观吸引买家，今次介绍既清水湾半岛，系将军澳闹市既世界桃园。
清水湾半岛座落环保大道旁，由新鸿基发展，屋苑由7座物业组成，楼高40-59层，提供1959伙单位，开层由两房到四房都有，单位面积由600几到过千呎都有，而车位有803个，比例接近2:1，方便有车人士。清水湾半岛景观开扬，可以望百胜角山景同埋东区海景，吸引想换海景楼既买家。
虽然屋苑唔近港铁站，但系胜在有小巴，而且班次频密，去坑口站只系需要5分钟，同时有唔少特别班次巴士，方便上班一族。同时系796C巴士总站，去苏屋途经九龙多个站。
清水湾半岛位处95校网，有超过22间小学可供住户子女入读，当中部份深受区内家长欢迎，好似保良局陆庆涛小学、将军澳天主教小学、宣基小学。中学亦都有唔少具备优良质素，好似迦密主恩中学、宣基中学同将军澳官立中学，都系区内传统名校。同时亦都有多间国际学校落成，好似香港思贝礼学校、法国国际学校，都系将军澳区既国际学校，为住户子女，提供更多唔同既教育选择。
虽然屋苑无大型商场，但搭五分钟车去坑口，东港城设大型商场，有各类型商舖、超市、食肆，近年加入日式百货，同时假日喺商场经常有特别活动，人流旺。附近厚德邨、明德邨商场，林林总总既购物选择都有，街市翻新之后，行得更加舒适。如果想试下特色美食，坑口村一定唔会令你失望。