由房委会兴建既清丽苑，属于早期发展项目，有别其他居屋，清丽苑唔需要补地价就可以直接买卖。屋苑由7座物业组成，楼高13-14层，一梯10伙，提供970伙单位。开则全部两房单位，间格四正好用，虽然无会所，胜在管理费平，深受上车用家，以及新婚夫妇欢迎。
位处荔景山路既清丽苑，虽然唔系座落港铁站，但系多条小巴线途经，班次频密。同时亦有唔同巴士线，去东九龙、油尖旺，交通绝对唔成任何问题。
荔景站物业虽然位处山上，但绿化环境以及能够享受无敌景，系最大卖点，而清一色两房户既居屋盘清丽苑，系最热门既上车盘。
清丽苑属于小学40校网，好似协和小学、深水埗官立小学，都系家长心仪选择。中学属于深水埗区，好学校亦都唔少, 例如德贞女子中学，历史悠久既英华书院、圣马加利男女英文中小学，同埋长沙湾天主教等等，都系热门名校之选。
清丽苑既生活配套，大部份都可以喺美孚新邨揾到。区内有唔少公共空间俾住户使用，同时附近亦有大型公园同运动设施，一家大细做运动，培养健康生活习惯。除左运动设施，亦有唔少民生商店同超市，住户生活基本上不假外求，想去大型商场，搭车去蔡芳都会广场就得。