作为家长，有时候选择校网比选择物业更加烦恼。 师资质素，升学前途，交通配套，居住空间，仲要计埋日后嘅生活前景﹐真系好易无晒方向。 不过，今集就向大家推介一下红磡嘅校网，顺便分享吓优质嘅家庭屋苑！
35校网嘅小学唔算多，但系质量有保证，马头涌官立小学、圣公会奉基千禧小学等等，师资优良，风评甚佳，每年入读名校嘅学生都为数不少。 至于九龙城中学校网，名校级数冠绝港九，每年唔少家长为咗子女都争崩头。
所以，家长想系呢区揾楼，黄埔花园就系热门之一。黄埔花园由和黄发展，一共分为12期，由88座楼宇组成，超过一万个单位。 屋苑单位面积大概五百几至到700几尺左右，亦有部份座数提供超过1000尺嘅单位。 作为区内嘅大型蓝筹屋苑，黄埔花园嘅生活配套非常充足。 屋苑唔同座数附近，都有黄埔站嘅出入口，方便返工返学 有唔少出入口仲会连接埋附近嘅商场、超市，每一个住户上落都极为方便。 而且食肆、百货公司、戏院、休闲、潮牌云集，屋苑附近仲有大型嘅儿童游乐中心，俾你陪小朋友一齐玩添。
第二个要介绍嘅优质屋苑，就系半岛豪庭。 整个屋苑分五座，合共1669个住宅单位。 屋苑提供开放式到1－4房单位，亦有少量高层复式超过2000尺嘅单位，方便大型家庭选择 平日照顾小朋友，假日想抖抖？半岛豪庭拥有顶级住客会所，超过50项设施俾你选择 出行亦都非常方便！屋苑有天桥连接红磡火车站，行大约5-8分钟就到 想过海，亦可以到红隧口嘅巴士站选择适合嘅路线，绝对可以方便小朋友跨区返学 平日想行街？去尖沙咀一个站就到！或者去隔离黄埔嘅购物圈，都好多唔同嘅选择。
如果想选择间隔大啲嘅屋苑，咁就要睇埋海逸豪园啦 海逸豪园，坐拥红磡海滨嘅无敌海景！四期25座合共4000几个单位。 远单位户型设计多元化，价格丰俭由人，适合不同预算嘅父母。 屋苑以欧陆式庭院设计为主，环境清幽，配合无敌嘅海景，豪华嘅大型会所，令家庭生活更添写意 交通生活配套相当完善，除咗有交通中心穿梭港九之外，黄埔站亦只相距5分钟路程。 而且邻近几间小学只系一街隔，父母接送就更加方便。 屋苑亦自设商场海逸坊，里面超市食肆齐备，诊所儿科补习社一应俱全！足以保证小朋友可以喺舒适嘅环境之下长大。