2000年落成既维港湾,可以话系奥运站既始祖楼盘,屋苑由9座物业组成,提供2314个单位。自设平台花园、会所以及停车场,基本配套齐备。
维港湾同奥海城只系一条天桥之隔,商场有齐住户所需,大型超市、食肆、戏院都有。如果要多啲民生商舖,行去大角咀亦都好方便,特色食肆同街市都有。附近既樱桃街公园有球场同缓跑径,方便钟意运动既你。
屋苑临近奥运站,行几分钟就可以去到,去港九各区,时间有得预算。同时有巴士、小巴等多条线路,去其他区亦方便。另一个卖点系,由奥运搭一个站可以去到九龙站,转乘高铁北上亦好方便,感受大湾区一小时生活圈无难度。
维港湾属于32小学校网,有唔少名牌学校,好似大角咀天主教、协和小学。油尖旺区大约20间中学,其中3间直资。好多校名都系百年老字号,人人都识。好似女拔卒、九龙华仁、真光书院,圣马利、伊利沙白中学,都系所有家长梦寐以求既中学。