80年代落成既美居中心,位处长沙湾,屋苑由7座物业组成,合共提供722个单位。单位开则以两房为主,亦有部份系一房。呢类单位好在银码细、实用率高、上车易,吸引唔少新置业人士。同时位处黄金旺舖地段,生活选择多,啱晒上班一族。
好多住开深水埗区唔舍得搬,最主要原因系人情味以及完善既生活配套,同时交通方便,生活每一日都可以有地道香港人选择,过番正宗港式生活。
虽然无华丽会所同设施,但系美居中心既既亲民消费选择,系系屋苑吸引之处。楼下有唔少食肆同民生商舖,附近既元州街有大量地舖,而元州商场、天悦广场,都系较亲民的消费选择。去到福华街一带,特色美食多到无比,而鸭寮街系出名既旅游民生特色街道,黄金同高登商场,系各位购买电子产品既好去处,无论系咩年纪,都总有你既落脚点。
美居中心既交通方便,肯定系最大卖点,行去长沙湾站几分钟就到,一落街要拣车搭,多到你唔信,绝对无交通问题。长沙湾道同荔枝角道搭巴士同小巴,总有一条线啱你,而且仲有通宵车,基本上任何时间,去全港九任何地方都𠣦难度。
美居中心属于小学40校网,好似协和小学、荔枝角天主教小学,深水埗官立小学,都系家长心仪选择。中学属于深水埗区,好学校亦都唔少有德贞女子中学,历史悠久既英华书院、圣马加利男女英文中小学,同埋长沙湾天主教等等,都系热门名校之选。