位于荃景围86-105号既荃湾中心,楼龄虽然唔算新,但系保养唔错,望落都唔算旧。由19座物业组成,提供4516个单位。物业属于细单位,适合上车一族,以一房同两房为主。虽然单位唔大,胜在户户有窗,单位四正好用,成为上车一族既热门选择。由于多人拣,地点就脚,盘源多、流转水廿快,荃湾中心系区内出名既细码保值盘,投资自住都啱用。
荃湾市中心虽然有唔少细码盘,但系近港铁通常都价钱贵,难上车,如果肯驳一脚车,就有舒适既环境,同埋合理既价钱,喺荃景围既荃湾中心,就系其中一个最佳上车选择。
荃湾中心属于小学62校网,荃湾官立小学、浸信会联会小学,海霸街官立小学、都系家长热门选择。中学方面,荃湾官立中学、可风中学、荃湾公立何传耀纪念中学,王少清中学,都系荃湾名校,大受区内家长欢迎。
荃湾中心楼下就系基座商场,有唔少民生舖,基本需要一定能满足。最近既愉景新城, 系荃湾其中一个最大型既商场,无论潮流服饰,各国美食,以及戏院都有提供,而且近年更增设以儿童主题的设施及大草地,让一众小朋友游玩。另外,经接驳天桥就可以去到荃新天地、荃湾广场、以及湾景广场,多个商场亦提供多间唔同种类既店舖以及戏院,为区内市民提供更多选择。
另外,荃湾路德围出名多地道小食及粉面店,任何时候都吸引到大批市民前黎。
荃湾中心虽然唔近港铁,只要搭小巴或巴士去荃就可以到荃湾港铁站,胜在车多班次密。同时区内有多条唔同巴士同小巴线可供选择,而附近既愉景新城有巴士总站,亦有多条线路提供,总有线路能够去到你既目的地。