细数港岛区嘅靓景,薄扶林绝对名列前茅,全因呢度背山面海,景致丰富。如果撞啱你又正想喺度揾吓楼,咁样今集介绍嘅屋苑你就唔可以错过啦!
薄扶林,大家第一个谂到嘅一定系贝沙湾!贝沙湾分六期发展,拥有77座物业,提供2700百多个单位,系薄扶林数一数二嘅大型屋苑。屋苑开则多元化,由一房至六房间隔都有,亦设有少量嘅独立海景洋房,由于屋苑得天独厚嘅优势,令到绝大部份嘅单位都可以享有毫无遮挡嘅海景,每朝起身,就可以望到海天一色嘅景致。贝沙湾行双会所模式,分别设于第一期同埋第四期,里面设施丰富齐备,住户提供多种不同嘅休闲享受。日常生活,主要就系屋苑楼下嘅数码港商场,休闲选择亦都相当丰富富。交通方面,数码港提供大量嘅小巴同埋巴士路线,来往港岛各区,亦有唔少直出九龙,选择都非常多。
睇完贝沙湾,系咪好钟意薄扶林嘅海景呢?话你知,旁边仲有一个超值选择,就系碧瑶湾。碧瑶湾喺薄扶林属于元老级物业, 共33座,提供超过1500个单位。众所周知,碧瑶湾分为上下碧瑶,上碧瑶主打两至三房,下碧瑶就主打四房以上嘅大单位,单位普遍过千尺,而且最令人津津乐道嘅,就系佢嘅接近九成半实用率,简直系冠绝港岛。上碧瑶景观,以宽阔海景为主,而向南嘅单位海景视野更加开扬!见到就千祈唔好错过啦
下碧瑶,就以城市,以及薄扶林山景为主,钟意清幽环境嘅住户,就啱晒你啦!
讲到生活,自从贝沙湾同埋数码港落成之后,数码港商场就成为左呢度住户的日常休闲消费嘅热点
交通方面,屋苑楼下都提供多条巴士线路,坐车去香港大学站或者黄竹坑站都系10分钟左右
最后行到去薄扶林半山,一齐望吓置富花园。虽然屋苑相对前两个楼盘冇咁接近海边,不过由于地势居高临下,所以山景同埋海景带嚟嘅震撼宽阔视野,就绝对令人过目不忘。
由新鸿基发展嘅置富花园,拥有27座物业,提供4300百多个单位,以2-3房为主,两者比例各占一半。
呢类型成熟屋苑嘅好处,就系单位间隔四正,实用率高,适合实用至上嘅朋友。温馨提示,呢度向南嘅单位,仲可以远望南丫岛!居高临下嘅景观,唔系咁容易拥有㗎!最特别嘅系,佢设有七座中低密度住宅,名为雅致洋房,每户都可以拥有背山面海嘅景观,所以特别抢手,对于对景观有追求嘅朋友,见到就真系咪走鸡啦!