小西湾虽然唔喺港铁站上盖,不过物业胜在有无极海景,加上附近设施齐备,环境优美,吸引唔少追求生活健康既中产一族进驻,其中蓝湾半岛更加系换楼客同用家首选私楼。
由信和集团发展既蓝湾半岛,可以话系小西湾既地标住宅项目,2001年入伙既蓝湾半岛,屋苑由8座楼高60层物业组成,提供3098个单位,唔同座数有唔同海景,包括维港、蓝塘海峡、清水湾,有如置身海洋中心一样。物业开则有一房到四房,有天台连特色户,适合唔同用家,自住同收租投资同样有客有市。
蓝湾半岛自设会所,有泳池、网球场、按摩池等设备。同时可以经海滨长廊,去小西湾球场跑步。蓝湾半岛自设商场,有唔少商舖,包括超市、特色食肆、银行、快餐连锁店。要有其他选湾,可以去本湾市场,有齐干湿货选择,步行都系十分钟。
蓝湾半岛虽然唔近港铁站,但胜在有小巴驳一程车就到杏花邨站,而基座设有巴士总站,有唔少过海线同港岛线路可供住户选择,港岛各区同埋九龙唔同地区都有车到,仲有通宵小巴由旺角返黎,真系午夜都唔会变孤岛。
蓝湾半岛属于小学16校网,唔少出名小学可供家长选择,包括筲箕湾官立小学、中华基督教会基湾小学。中学亦有唔少传统名校,好似庇理罗士女子中学、港岛民生书院、张祝珊英文中学等等。国际学校亦有日本人国际学校、汉基国际学校等等,学校选择极多。