新蒲岗过去系工厂商住混合区,社区热闹,同时有唔少特色店舖、随住启德发展,区内将会受惠沙中线通车,楼价会有第二升浪,坐拥有利位置既誉.港湾,更加系区内热门楼盘,深受换楼客同投资客欢迎。
由新鸿基发展,2010年落成既誉.港湾,前身系新蒲岗裁判法院,屋苑由五座物业组,开则多元化,由一房到四房都有,间格四正。仲有特色户,观景开扬,望启德邮轮区,令唔少人心动。受惠沙中线同启德发展区带动,好多投资客都睇好呢区后市。
沙中线未通车,誉.港湾港铁唔喺楼下,由于过去系工厂区,交通可达度极高。有小巴可以驳脚到港铁站,就算步行去黄大仙站都系17分钟左右。太子道东既巴士众多,过海同去九龙各区都有,住户唔愁无选择搭车。
讲到生活配套,誉.港湾选择极多,基座商场系MIKIKI,有好潮流服饰同食肆,同时有日式超市,深受年青家庭欢迎。行落街特色食肆甚多,少仲系隐世米芝莲级,而且价格大众化,大受居民欢迎。附近九龙城亦有大量泰国餐厅及甜品舖,绝对啱哂识食之人。如果要行大型商场,钻石山荷里活广场,又或者九龙湾的德福广场及淘大广场亦系唔错选择。
誉.港湾属于小学43区,而中学属于黄大仙区,保良局张永庆中学、中华基督教会协和书院,同埋保良局何荫棠中学都系家长心仪既学校。