红磡过去系一个商住混合区,自从黄埔花园发展,成为左呢区既中心。过去只靠小巴驳脚去东铁或者港铁线,唔算好就脚,自从港铁伸延线落成后,黄埔花园塞车问题解决,楼价都全面解封,以倍数攀升。
黄埔花园同美孚新邨可以话系九龙区两大龙头中产屋苑。屋苑由88座物业组成,由于早年受高度限制,单位楼高16层,面积由351呎到1110呎,系投资同自住都有,客路广,流转快,单位保值能力高,系黄埔花园多人㨂既原因。
黄埔花园既生活配套,真系绝对无敌。喺黄埔广场有戏院、著名食肆、日式百货,潮流服装,生活选择多到你拣唔晒。行返去黄埔新邨,有唔少特色香港食肆,同时亦都有大型街市,民生百货同新鲜食材样样齐,丰俭由人,总有一间舖头啱你心水。想享受人生,附近既海逸酒店可以一路望海、一咯叹茶,人生一乐也。
讲到交通,黄埔花园可以话系无敌至尊。楼下就系港铁站出口,去港岛15分钟之内,行一阵就到红磡站,去东铁同过关一样方便。区内有多条唔同巴士、小巴线,基本上香港、九龙、新界完全可以直达,而且有通宵线行走,仲有船去北角,咁既交通,仲有乜嘢可以批评。
黄埔花园位处35小学校网。而中学校网,属于九龙城,可以话系BAND1至强校网,好多人高价租屋都系为左呢个校网,名校好似拔萃男书院、喇沙书院、协恩中学、香港培正中学,民生书院等,都系传统九龙城区名校。