虽然九龙近年唔少地区都打造成为新豪宅，不过讲到传统豪门，九龙塘既地位，就好似港岛半山区，系公认既豪宅群中心，而又一居就系九龙塘既入门版，系中产向上流动既第一度门槛。
又一居由会德丰发展，屋苑由32幢物业组成屋，合共提供1818伙单位。由于属于97年前落成既九龙区单位，楼宇有高度限制，而自从搬左机场后，九龙塘区更加清静，环境更好，令楼价更硬争。
屋苑主要以3房为主打，同时有天台特色户，两户反而系占少数，楼盘深受换楼客欢迎，原因好简单，四周环境舒适，身处豪宅群，加上欧陆设计外型，气派十足。
又一居交通方便，步行去港铁站都系十分钟左右，而且附近巴士小巴线都有唔少选择，出入绝对方便。
又一居自设会所，同时亦都可以去附近既又一村花园内俱乐部，俾住户尊贵既休闲选择。讲到又一居，另一个最大卖点当然系著名商场又一城，食肆、溜冰场、戏院、银行、时装品牌、大型超级市场，全部都集中喺又一城，同时设有多层车位，住户消费渣车都唔驶为泊车烦恼，呢点亦都系好多有车阶级拣又一居既原因。
九龙塘名校林立，除左本地学校，同时有国际学校，属于小学40校网，中学属于深水埗区有圣马加利男女英文中小学、德贞女子中学，历史悠久既英华书院等等，都系区内热门名校之选。除左本地学校，仲有澳洲国际学校，以及耀中国际学校，都系香港著名既国际学校。