东九龙系商住混合区，有时要揾个方便就脚，但系环境清幽既放盘，并唔容易。不过只要唔执著港铁上盖，喺九龙湾到蓝田一带，都会有心水选择，其中九龙湾既居屋盘乐雅苑就系热门上车盘。
1984年落成既乐雅苑，由房委会兴建，屋苑由6座物业组成，提供1331个单位，楼高27-29层，一梯八伙。开则以两房为主，同时有三房单位。由于开则四正，加上价钱实惠，系好多人上车既选择。
乐雅苑位于振华道，虽然唔系港铁上盖，但系振华道有多条小巴同巴士线，去港九各区都十分方便。同时小巴去港铁站都系几分钟，返工返学有预算。
乐雅苑虽然无会所，但系生活配套非常方便。毗邻乐华北邨，有食肆、街市、商场，生活需绝对唔驶担心。要去大型商场SHOPPING、淘大、德福同埋MEGA BOX，都非常近，搭车一阵就到。又或者可以去埋观塘既APM，潮流名店，特式食肆，日式超市，大把选择。
另外，屋苑附近有佐敦谷泳池同游乐场, 想一家大细做运动都无难度。
乐雅苑属于小学48校网，唔少学校相当受家长欢迎，好似佐敦谷圣若瑟天主教小学、九龙湾圣若翰天主教小学，都系热门之选。中学属于观塘区，蓝田圣保禄中学、观塘官立中学、圣杰灵女子中学、圣言中学，都系区内家长心仪既名校。