尖沙咀区系商住游客区，要揾好景观既物业绝对唔容易，如果有酒店式既住宅服务物业，可以睇到维港烟花，仲要喺港铁站上盖，相信个个都争住买，而都会轩正正就有齐上述元素，大受欢迎。
都会轩位于红磡都会道，屋苑由两座物业组成，2002年入伙，属于服务式住宅，提供662伙单位。开则由400几到1000几呎都有，高层向西南可以望埋维港景，睇烟花都唔驶同人迫。而毗邻红馆，睇完演唱会行返屋企唔驶五分钟。
都会轩楼下就系红磡站，交通方便系最大卖点。东铁线去新界方便准时，加上红隧过海巴士任你点拣都得，楼下既巴士总站，亦都有唔同既线路，去区区都无难度。喺屋苑行落尖沙咀亦都好方便，都会轩既交通优势真系无可比拟。
都会轩楼下已经系商场，有齐生活用品同食肆，行过少少去黄埔区，街市、日式百货样样齐备。区内特色食肆有唔少食评推介。如果想SHOPPING 购物，尖沙咀近在咫尺，无论大型商场，名店，潮流服饰及地道小食都应有尽有。
都会轩校网属于35小学校网，有唔少名牌学校，好似天神嘉诺撒、奉基小学以及马头通官立小学，都系家长心仪名校。而油尖旺区有大约20间中学，其中3间直资。例如拔萃女书院、九龙华仁书院、真光女书院，嘉诺撒圣马利书院等，都系所有家长梦寐以求既中学。