細數港島區嘅靚景，薄扶林絕對名列前茅，全因呢度背山面海，景緻豐富。如果撞啱你又正想喺度搵嚇樓，咁樣今集介紹嘅屋苑你就唔可以錯過啦！

薄扶林，大家第一個諗到嘅一定係貝沙灣！貝沙灣分六期發展，擁有77座物業，提供2700百多個單位，係薄扶林數一數二嘅大型屋苑。屋苑開則多元化，由一房至六房間隔都有，亦設有少量嘅獨立海景洋房，由於屋苑得天獨厚嘅優勢，令到絕大部份嘅單位都可以享有毫無遮擋嘅海景，每朝起身，就可以望到海天一色嘅景緻。貝沙灣行雙會所模式，分別設於第一期同埋第四期，裏面設施豐富齊備，住戶提供多種不同嘅休閒享受。日常生活，主要就係屋苑樓下嘅數碼港商場，休閒選擇亦都相當豐富富。交通方面，數碼港提供大量嘅小巴同埋巴士路線，來往港島各區，亦有唔少直出九龍，選擇都非常多。

睇完貝沙灣，係咪好鍾意薄扶林嘅海景呢？話你知，旁邊仲有一個超值選擇，就係碧瑤灣。碧瑤灣喺薄扶林屬於元老級物業， 共33座，提供超過1500個單位。眾所周知，碧瑤灣分為上下碧瑤，上碧瑤主打兩至三房，下碧瑤就主打四房以上嘅大單位，單位普遍過千尺，而且最令人津津樂道嘅，就係佢嘅接近九成半實用率，簡直係冠絕港島。上碧瑤景觀，以寬闊海景為主，而向南嘅單位海景視野更加開揚！見到就千祈唔好錯過啦
下碧瑤，就以城市，以及薄扶林山景為主，鍾意清幽環境嘅住戶，就啱曬你啦！

講到生活，自從貝沙灣同埋數碼港落成之後，數碼港商場就成為左呢度住戶的日常休閒消費嘅熱點
交通方面，屋苑樓下都提供多條巴士線路，坐車去香港大學站或者黃竹坑站都係10分鐘左右
最後行到去薄扶林半山，一齊望嚇置富花園。雖然屋苑相對前兩個樓盤冇咁接近海邊，不過由於地勢居高臨下，所以山景同埋海景帶嚟嘅震撼寬闊視野，就絕對令人過目不忘。

由新鴻基發展嘅置富花園，擁有27座物業，提供4300百多個單位，以2-3房為主，兩者比例各佔一半。
呢類型成熟屋苑嘅好處，就係單位間隔四正，實用率高，適合實用至上嘅朋友。溫馨提示，呢度向南嘅單位，仲可以遠望南丫島！居高臨下嘅景觀，唔係咁容易擁有㗎！最特別嘅係，佢設有七座中低密度住宅，名為雅緻洋房，每戶都可以擁有背山面海嘅景觀，所以特別搶手，對於對景觀有追求嘅朋友，見到就真係咪走雞啦！