大角咀代表左舊社區、工廠既商住混合區。不過時移世易，隨住區內填海以及港鐵支線興建，大角咀社區逐步走向年青之路。受惠九龍站同奧運站金融商業中心落成，奧運站樓盤租住都深受年輕才俊歡迎，君匯港就係當中選擇。
2006年入伙既君匯港，由5座物業組成，合共提供1514個單位。其中一、二座主打大單位、第3-6座主打細單位，同時有超過4000呎，三層高既複式單位，單位開則任君選擇，而價錢低水過九龍站，一站之隔銀碼就差成截。而且單位內隴間隔闊落，露台特大，落地玻璃一望無際，呢種荀盤而家好難求。
君匯港屬於32校網，有多間小學，其中保良局陳守仁小學同油麻地天主教小學，係九龍區既小學名校，拔萃女小學、大角咀天主教小學都係大家認識既老牌著名小學。油尖旺更加係BAND1中學集中地，拔卒女書院、九龍華仁書院、真光女書院等，都係所有家長夢寐以求既中學。
君匯港設有私人會所，設施齊備，健身室、泳池、桌球室等等。講到食住，行條天橋去奧海城，所有商店同食肆齊備，超市戲院全樣樣齊。想搵地到香港食肆民生商舖，行兩步去大角咀埃華街就到。
至於交通，君匯港鄰近奧運站，同時亦有唔同既巴士線，比住戶選擇，去邊處都咁方便。