住得舒適，活得出色，所以居住環境，對於注重健康嘅人士來講，一直都係備受重視嘅因素 香港嘅沙田區，一向都係健康之都，呢度嘅屋苑，充斥住大量健康嘅元素！
大圍嘅金獅花園，喺香港著名嘅上車盤， 屋苑13座物業分兩期發展，提供2768伙單位，以一房作為主打。 而且屋苑靠近山邊，環境清靜，環境氣氛已經攞曬分。 如果想做運動，金獅花園二期設有泳池、網球場及閱讀室等，設施較一期齊全，行落樓就可以隨時做運動，迎合運動人士嘅需要。 而且呢度距離城門河只係幾分鐘，散步跑步都十分適宜 講埋交通，屋苑距離大圍站約8-10分鐘嘅路程！樓下巴士路線都多，無需擔心交通問題 由於呢度行路去沙田、大圍、定係車公廟都係10幾分鐘嘅事，一邊散步，一邊搵地方shopping，亦都係相當健康寫意嘅活動。
如果閣下資金充裕，我就會推介你揀大圍嘅名城！屋苑有長實同港鐵共同發展，分三期，共12座物業，超過4200個單位，喺大圍區內最大型屋苑。 呢度主打3-4房戶，目標吸納中產換樓客戶群！ 既然目標吸納中產家庭，呢度嘅會所亦都可以話係區內一絕，發展商斥資4億打造，超過62萬尺嘅園林會所，規模極大！ 而且每期都有主題嘅會所設施，例如健身、男士嘅會所、女士嘅會所，咁有質素嘅生活，身心自然更加健康。 近年名城亦積極擴展，即將有天橋連接附近商場同埋港鐵站，生活上落都越嚟越方便。
不過，喺沙田區嘅朋友，當然想睇嚇城門河附近有啲乜嘢靚盤選擇，立即帶嚟睇嚇車公廟上蓋嘅「溱岸8號」 溱岸8號由4座物業組成，合共981個單位，以3-4房戶為主 健康嘅生活，要配合優質景觀，溱岸8號絕對係首選！呢度物業呈曲尺形排列，附近冇高樓大廈遮擋，所以絕大部份單位都可以欣賞到城門河嘅美景，以及遠望馬鞍山景緻！ 屋苑亦提供平台單位可以選擇，一行出露台，室內都有令人舒服嘅戶外空間。 同事屋苑亦提供達13萬呎嘅綠化園林空間，配合周圍幽靜嘅環境，設施齊備嘅住客會所，無論運動定散步都相當適宜 加上樓下就係城門河，運動嘅空間更加充足。 交通來往就係以樓下車公廟站為主，亦有好多巴士線通往港九各區，選擇多多。