唔少經歷金融風暴既香港樓盤，只要守過黑暗期，就會有價有市。荃灣既愉景新城，以地點同埋配套，絕對係優質之選，吸引唔少換樓客進駐。
1997年落成既愉景新城，合共兩期物業，十二座組成屋苑，樓高46層，提供3360個單位。物業開則有兩房同三房，有呂字廳同鑽石廳，由於有大型商場以及毗鄰港鐵，成為上車一族同埋換樓考慮之選。
愉景新城係荃灣其中一個最大型既商場，無論潮流服飾，各國美食，以及戲院都有提供，而且近年更增設以兒童主題的設施及大草地，讓一眾小朋友遊玩。另外，經接駁天橋就可以去到荃新天地、荃灣廣場、以及灣景廣場，多個商場亦提供多間唔同種類既店舖以及戲院，為區內市民提供更多選擇。
愉景新城樓下就係巴士總站，有唔少巴士線可以選去各區。如果要搭鐵路，可以搭小巴或巴士去荃灣港鐵站，去港島話咁快就到。同時區內有多條唔同巴士同小巴線可供選擇，無論去港島，新界或機場都輕鬆快捷
花園屬於小學62校網，荃灣官立小學、浸信會聯會小學，海霸街官立小學、都係家長熱門選擇。中學方面，荃灣官立中學、可風中學、荃灣公立何傳耀紀念中學，王少清中學，都係荃灣名校，大受區內家長歡迎。