元朗自從西鐵通車後,成為新界西熱門選擇區域。如果集合輕鐵同西鐵優勢,加上多條巴士線,仲有大型商場,同埋完善既生活圈,以及吸引既價錢,相信好難抗拒,新元朗中心就具備以上條件。
新元朗中心由新鴻基、港鐵合作發展,雖然係1993年入伙,但保養新淨,唔覺有25年樓齡。屋苑由5座樓高26-27層物業組成,合共提供1072伙單位,兩房同三房開則均有,實用率超過8成,同時設網球場、泳池等設備均有,吸引區內換樓客。
新元朗中心同區既YOHO MALL係元朗的大型商場,戲院、潮流服飾、日式百貨同各式食肆一應俱全。形點裝修後,納入埋YOHO MALL商場,成為新界西其中一個潮流熱點。去到大馬路食肆多到你食唔哂,中西美食同埋傳統糕點,都有好多選擇。區內康體設施亦齊備,附近有球場,泳池、劇院,公園等,為居民提供各類消閒娛樂。
新元朗中心屬於小學74校網,區內有唔少具質素小學,元朗區中學亦都有好多名校,天主教崇德英文書院、新界鄉議局元朗區中學、元朗信義中學,都係元朗區內著名學校,好多家長爭住報名。
新元朗中心最大賣點,當然係兩鐵優勢,本身基座設有輕鐵,而步行去西鐵都係5分鐘,返工返學有預算。此外,行出少少既教育路,屬於元朗中樞交通網。西鐵由元朗出九龍半個鐘之內,巴士線路多不勝數,去香港、九龍、新界都無難度,一車直達。出返大馬路,有輕鐵同小巴,遠近交通工具都有得任揀。