唔少私樓被批評實呎唔足,而且開則地方唔見駛,不過如果有居屋實用、私樓高格調、完善生活配套,加埋港鐵通車帶動升勢,就真係無得彈,紅磡海濱南岸就滿足晒所有條件。
海濱南岸前身係居屋紅灣半島,當年停建居屋後,改建成為現時物業,因此有居屋既實用開則,同時又有高格調既私人屋苑會所。2002年入伙既海濱南岸,由7座物業組成屋苑,合共提供2470伙單位,有兩房同三房開則,間格四正好用,實用面積由430至590呎不等。22萬呎會所,有游泳池、平台花園同保齡球場,係唔少中產擔樓熱門選擇。
海濱南岸同黃埔花園只係一街之隔,港鐵未通車前,經常都有窯車問題,自從港鐵通車後,去港島15分鐘之內,行一陣就到紅磡站,搭港鐵入新界或北上過關一樣方便。而區內有多條唔同巴士、小巴線,基本上香港、九龍、新界完全可以直達,而且有通宵線行走,仲有船去北角,咁既交通,仲邊會有投訴。
海濱南岸生活配套完善,黃埔區有唔同既大型商場,同時又有民生商舖、日式百貨、特色食肆,中西美食都有。想買齊生活所需,亦有大型街市,乾濕貨齊備。
海濱南岸位處35小學校網, 有唔少名牌學校,好似天神嘉諾撒、奉基小學以及馬頭通官立小學,都係家長心儀名校。而中學屬於九龍城區,可以話係BAND1至強校網,好多人高價租屋都係為左呢個校網,名校好似拔萃男書院、喇沙書院、協恩中學、香港培正中學,都係傳統九龍城區名校。