由房委會興建既清麗苑,屬於早期發展項目,有別其他居屋,清麗苑唔需要補地價就可以直接買賣。屋苑由7座物業組成,樓高13-14層,一梯10伙,提供970伙單位。開則全部兩房單位,間格四正好用,雖然無會所,勝在管理費平,深受上車用家,以及新婚夫婦歡迎。
位處荔景山路既清麗苑,雖然唔係座落港鐵站,但係多條小巴線途經,班次頻密。同時亦有唔同巴士線,去東九龍、油尖旺,交通絕對唔成任何問題。
荔景站物業雖然位處山上,但綠化環境以及能夠享受無敵景,係最大賣點,而清一色兩房戶既居屋盤清麗苑,係最熱門既上車盤。
清麗苑屬於小學40校網,好似協和小學、深水埗官立小學,都係家長心儀選擇。中學屬於深水埗區,好學校亦都唔少, 例如德貞女子中學,歷史悠久既英華書院、聖馬加利男女英文中小學,同埋長沙灣天主教等等,都係熱門名校之選。
清麗苑既生活配套,大部份都可以喺美孚新邨搵到。區內有唔少公共空間俾住戶使用,同時附近亦有大型公園同運動設施,一家大細做運動,培養健康生活習慣。除左運動設施,亦有唔少民生商店同超市,住戶生活基本上不假外求,想去大型商場,搭車去蔡芳都會廣場就得。