寶林係將軍澳最早期發展區域,擁有大型商場、公園、民生商舖、多條巴士線,而港鐵通車後,更加改善左存在已久既交通問題,物業即時升值。要喺區內平價盤埋手,好多人會揀居屋,而茵怡花園設計更加係買家型格之選。
茵怡花園1997年落成,由房協興建,當年環保設計獲獎無數。屋苑由6座物業組成,合共提供1894伙單位,開則有兩房同三房,間格實用。由𩔽地點就腳,係上車一族同換樓客既熱門選擇。
茵怡花園其中一個最大優勢,本身設有民生商舖同街市,可以不假外求。同時毗鄰新都城三期商場有天橋連接,形成大型相連店舖,自成一角既生活圈基本上不假外求。食肆、超市、電器用品、服裝等等一應俱全。想去更多民生店舖,對面馬路寶林邨有齊住戶既選擇。
茵怡花園位處95校網,有超過22間小學可供住戶子女入讀,當中部份深受區內家長歡迎好似將軍澳天主教小學、宣基小學,都係熱門之選。中學亦都有唔少具備優良質素,好似迦密主恩中學、宣基中學同將軍澳官立中學,都係區內傳統名校。同時亦都有多間國際學校落成,好似香港思貝禮學校、法國國際學校,都係將軍澳區既國際學校,為住戶子女,提供更多唔同既教育選擇。
喺港鐵通車前,將軍澳既交通係絕對死穴,隨住將軍澳線通車,解決區內交通問題。同時茵怡花園附近係巴士總站,有唔少士線往來港九各處。除左巴士,行出寶林路有小巴、同其他巴士線,連去西貢都係一程車攪掂。