1997年落成既東港城,由新鴻基發展,係將軍澳公認既第一代樓王。屋苑由8座物業組成,提供2184伙單位,兩房同三房開則都有,兩房佔六成。東港城間格四正好用,扣除窗台有8成實用率,同區所有物業都唔能夠同佢相提並論。屋苑自設會所,有健身室、平台花園、網球場,絕對係將軍澳第一代中產生活標記。
將軍澳係喺港鐵未通車前,交通曾經成為居民生活既一大難題,好多早期落成既物業,擁有巴士網絡同埋大型商場天橋連接優勢,隨住港鐵通車,更享有城市方便,村落寧靜,位處坑口既東港城,可以話係隧道旁龍頭物業,坐擁鐵路同隧道優勢。
東港城一樣有天橋接駁坑口站,呢度喺將軍澳站物業落成前,屬於市中心,交通配套齊備。坑口站有多條巴士線去港九新界,小巴線亦都唔少,同時坑口村有小巴直出彩虹站,交通可達度絕對係吸引買家既原因。
東港城最大賣點係自設大型商場,有各類型百貨、超市、食肆,同時假日喺商場經常有特別活動,人流旺。附近厚德邨、明德邨商場,林林總總既購物選擇都有,街市翻新之後,行得更加舒適。住戶搭小巴去西貢郊遊都係半小時左右,同時可以去附近既寶康公園、泳池做運動。如果想試下特色美食,坑口村一定唔會令你失望。
東港城位處95校網,有超過22間小學可供住戶子女入讀,當中部份深受區內家長歡迎,好似保良局陸慶濤小學、將軍澳天主教小學、宣基小學。中學亦都有唔少具備優良質素,好似迦密主恩中學、宣基中學同將軍澳官立中學,都係區內傳統名校。同時亦都有多間國際學校落成,好似香港思貝禮學校、法國國際學校,都係將軍澳區既國際學校,為住戶子女,提供更多唔同既教育選擇。