跑馬地屬於香港傳統豪宅區,沿路建築群密度低,並且一帶主打大型單位,成為港島豪宅集中地段。在眾家追捧,其中比華利山更加係名人集中地。
位於跑馬地樂活道6號既比華利山由10座高30至37層的樓宇組成,共698伙,開積以三至四房,實用面積1000-1600幾呎,屋苑設有會所及邨巴出入,配套完善。雖然有30年樓齡,但係大廈保養維修一流,一啲都無受歲月洗禮。
比華利山要日買用品同埋解決日常三餐,無論灣仔以及銅鑼灣區都好方便。要去大型商場有希慎廣場、名店過兩步喺利園,大型百貨公司有崇光,銅鑼灣應有盡有。如果想食特色美食,灣仔以及銅鑼灣多不勝數,同時有高級食肆,無論同至親慶祝特別節日,或者生意款客,舖頭多到令你有選擇困難症。
比華利山於小學12校網,學校總數 15間,合共提供 765 個學位供統一派位。好似兩間軒尼詩道官立小學、瑪利曼小學等,都係區內受家長歡迎既著名小學。中學屬於灣仔區,合共有 17間中學。其中 3 間係官校,11 間是資助中學,以及 3間係直資中學。其中香港華仁、皇仁、瑪利曼、香港真光書院、聖保祿中學等,都係傳統老牌名校。
比華利山不少盤源都係連車位出售,雖然港鐵唔到門口,但有邨巴,同時有小巴14M可以去到銅鑼灣站,交通都算方便。就算步行去銅鑼灣站,都唔駛15分鐘,不過當然係講落斜路去,唔係上斜返屋企。去到銅鑼灣區,基本上任交何巴士線都有,雖然位置處於豪宅區,比華利山絕對唔算吊腳,交通可達度都唔算差。