港島南區係傳統豪宅集中地,呎價冠絕全港,同時亦都係唔少人既置業夢想。自從數碼港興建後,改變左南區外貌,部新興豪宅,成為南區既新地標。
2004年落成既貝沙灣,合共由七座物業組成,第1、2、4、6期為住宅單位,第三及五期為洋房,提供2771伙單位,住宅開則由一房至六房都有,大部份住宅都享有無敵海景。貝沙灣有大量車位,住戶駕車出中環都係15分鐘左右。加上私隱度高,唔少城中名人都住喺貝沙灣。
貝沙灣會所設喺第一及第四期,有泳池、健身室、宴會廳、網球場。住戶想購買日常生活所需,可以去貝沙灣商場,有超市同唔同既食肆,同時有戲院,或者可以去艾美酒店HIGH TEA,享受休閒生活。附近既大草地,亦都係好有歐陸FEEL既優美公共空間,無敵大海景,睇日落真係唔捨得走。
雖然住戶以駕車為主,過貝沙灣交通都唔算太隔涉。有巴士線出港島區,同時亦都行西隧巴士線,想快有小巴去堅尼地城,就算唔駕車,都好快出到市區。
貝沙灣屬於小學18網,中學屬於南區,當中嘉諾撒聖心係傳統名校,仲有聖公會呂明才中學、香港真光書院,都係南區著名中學。當然唔少貝沙灣住戶,都會選擇香港區既國際學校,俾子女更元化教育。