將軍澳係東九龍區最大型既住宅群,樓宇選擇極多,唔少早期落成既物業,喺港鐵未通車前,已經擁有中心優勢,隨住港鐵通車,更享有城市方便,村落寧靜,位處坑口既南豐廣場,就係最佳例子。
1999年落成既南豐廣場,同東港城係坑口站早期落成既物業。南豐廣場座落坑口站附近,同東港城一橋之隔,由五座物業組成屋苑,合共1614個單位,開則有兩房至三房,同時設有複式以及相連戶,呎數大細都有,適合上車用家同換樓客。由於以用家為主,物業流轉速度快,絕對保值。
南豐廣場同東港城一樣,有天橋接駁坑口站,呢度喺將軍澳站物業落成前,係屬於市中心,配套齊備。坑口站有多條巴士線去廣九新界,小巴線亦都唔少,同時坑口村有小巴直出彩虹站,交通可達度絕對係吸引買家既原因。
南豐廣場位處95校網,有超過22間小學可供住戶子女入讀,當中部份深受區內家長歡迎,好似保良局陸慶濤小學、將軍澳天主教小學、宣基小學。中學亦都有唔少具備優良質素,好似迦密主恩中學、宣基中學同將軍澳官立中學,都係區內傳統名校。同時亦都有多間國際學校落成,好似香港思貝禮學校、法國國際學校,都係將軍澳區既國際學校,為住戶子女,提供更多唔同既教育選擇。
南豐廣場基座商場能提供基本生活需要。附近有東港城、厚德邨、明德邨商場,林林總總既購物選擇都有。住戶搭小巴去西貢郊遊都係半小時左右,同時可以去附近既寶康公園、泳池做運動。如果想試下特色美食,坑口村一定唔會令你失望。